Barcelona ayaa la sheegay iney dib u dhigtay ku biirista Pedro kooxda Manchester United oo raadineysay taasna waxaa ka dhigeysaa inuu seegayo furitaanka ciyaaraha Premier league.
28 jirkan ayaa ah bartilmaameedka ugu horeeya ee u badalaya Man United Robin van Persie oo ku biiray Fenerbahce.
Man United ayaa fileysa hadii Di Maria £44milyan uu ugu wareego PSG in Pedro ay la soo wareegaan maalmaha soo socda.
Laakiin The Express ayaa sheegeysa Barcelona iney u ogolaan doonto Pedro inuu ka tago Cam Nou kadib kulanka Barcelona iyo Sevilla ay ciyaarayaan 11-ka August Finalka Super Cup maadaama Messi iyo Neymar aysan wali taam u aheyn ineyn ciyaaraan kulankaas maadaama aysan qaadan tababar badan.
Taas waxaa ay ka dhigeysaa Pedro inuusan ciyaari Karin kulanka ugu horeeya horyaalka oo Man United ay la ciyaareysa 8-bisha August kooxda Tottenham Hotspur.