War fiican ayey maqlayaan taageerayaasha Liverpool ka hor kulanka ay la ciyaarayaan kooxda ay coladaan ee Manchester United.
Gooldhaliyaha Liverpool Daniel Sturridge ayaa la sheegay inuu qarka u saaran yahay ku soo laabashada garoomada.
Khamiistii shalay xiddiga ayaa tababar ku sameeyay xerada tababarka ee Melwood.
25 jirkan ayaan u ciyaarin Liverpool tan iyo April waxaana uu seegay ciyaarihii saaxibtinimo iyo seddexda kulan ugu horeeya horyaalka.
Laakiin hada ayuu ku dhowyahay inuu soo laabto waxaana la filayaa inuu soo laabto 12-ka bisha September oo ay la ciyaarayaan kooxda Manchester United.
67 kulan ayuu u saftay kadib markii uu Chelsea kasoo tagay kooxda Liverpool waxaana uu u dhaliyay 40 gool.







