Mateo Kovačić ayaa ku sugan haatan hotelka Sheraton Mirasierra ee magaalada Madrid waxaana la soo bandhigayaa saakay.
Ciyaaryahanka ayaa ka soo dagay xalay garoonka diyaaradaha Adolfo Suárez Madrid–Barajas Airport.
Kulankii u dhaxeeyay Real Madrid iyo Galatasaray ee koobka Trofeo Bernabéu ayuu ka daawaday hotelkii uu ku nasanayay.
Goordhow waxaa uu gaari ku tagayaa Sanitas-La Moraleja halkaas uu tijaabada caafimaad uu ku marayo waxaana lagu soo bandhigayaa garoonka Santiago Bernabéu saacada marka ay tahay 3:00 galabnimo.
Kovačić lama gudoonsiin doono lambarkiisa marka la soo bandhigayo waxaana jira hal lambar oo yaala waana kan No 25 oo loo dhigay goolhayaha seddexaad ee Rubén Yáñez.
Real Madrid ayaa u sugi doonta inta ka banaanayaan lambarada 16 oo uu wato Lucas Silva iyo kan 24 uu wato Illarramendi kuwaas oo laga yaabo iney ka tagaan kooxda.