Cristiano Ronaldo ayaa maalmo nasasiino kadib waxaa uu dib ugu laabtay Real Madrid.
30 jirkan ayaa saaxibadiisa Real Madrid ugu tagay Australia halkaas oo ay ku ciyaarayaan.
Ronaldo ayaa tagay Hotelkooda Melbourne waxaana uu gacan qaaday saaxibadiisa sida Bale iyo tababare Benitez.
Bartilmaameedka Man United Sergio Ramos ayaa sidoo kale safarka qeyb ka ahaa.
Real Madrid ayaa ku ciyaareysa dalalka Australia iyo China waxaana ay la ciyaarayaan kooxaha Inter and AC Milan, Roma iyo Manchester City.
Xiddigahaa Cusub Man United Bastian Schweinsteiger iyo Morgan Schneiderlin ayaa tababar kula bilaaway United dalka Mareykanka oo goorhore shalay ay u ambabaxeen.
United ayaa ku ciyaareysa Mareykanka Afar kulan waxaana kulankooda ugu soo horeeya ay subaxnimada sabtida la ciyaarayaan kooxda Club America
Liiska Magacyada xiddigaha United u ciyaaraya kulamadan saaxibtinimo waa kuwan
Tyler Blackett, Daley Blind, Michael Carrick, Matteo Darmian, David de Gea, Memphis Depay, Jonny Evans, Marouane Fellaini, Sean Goss, Ander Herrera, Adnan Januzaj, Sam Johnstone, Phil Jones, Anders Lindegaard, Jesse Lingard, Juan Mata, Patrick McNair, Andreas Pereira, Wayne Rooney, Morgan Schneiderlin, Bastian Schweinsteiger, Luke Shaw, Chris Smalling, Antonio Valencia, James Wilson.
Arsenal ayaa sugeysa inuu ku soo biiro kooxda ilaa habeenka ugu dambeeya suuqa kala iibsiga uu ku ekyahay.
Weeraryahankan ayaa ah bartilmaameedka ugu weyn sanadkan ee tababare Arsene Wenger waxaana uu kalsoon yahay Karim Benzema inuu u dambeeyo Arsenal.
Real Madrid ma go’aansan iney iibiso 27 jirkan balse Arsenal ayaa ku raja weyn helitaankiisa.
Man United ayaa sidoo kale qeyb ka ah tartankan laakiin Arsenal ayaa aamisan sidii hada kahor habeenka ugu dambeeyay suuqa Real Madrid ay ugu soo qaateen Mesut Ozil in Karim Benzema isagana ay u duuban doonaan.
Xiriirka kubada cagta Russia ayaa xaqiijiyay Fabio Capello inuu ka tagay shaqada tababare ee xulka kadib is afgarad waa.
Tababaraha Italy ayaa kula jiray Russia heshiis ilaa sanadka 2018.
12-sano kadib Capello ayaa ku hogaamiyay Russia inuu ka qeybgaliyo koobkii Adduunka 2014 walow ay guruubka ku hareen.
Bishi hore Austria ayaa ka badisay Russia waxaana ay haatan kaga jiraan kaalinta seddexaad guruubkooda Isreeb reebka loogu soo baxayo Euro 2016.
Capello waa macalin weyn waxaa uu 7 horyaal ka qaaday seddex dal waxaana 1994-tii uu la qaaday Champions league AC Milan.
Daafaca Arsenal Per Mertesacker ayaa sheegay Gunners iney ku nasiib badan tahay iney hesho goolhayahii hore Chelsea Petr Cech,sidaas waxaa uu u sheegay London Evening Standard.
Arsenal ayaa kula soo wareegtay goolhayahan lacag dhan £11milyan.
Arsenal ayaa ka dhisan sanadkan dhanka goolhayaha maadaama ay sidoo kale heysato Wojciech Szczesny iyo David Ospina.
Cech ayaa Chelsea ku soo qaatay 11-sano oo guulo ah.
Qaar kamid ah kooxaha ugu weyn Yurub ayaa maanta ciyaaraya kulamo saaxibtinimo oo ay ugu diyaargaroobayaan xagaaga cusub.
Milan iyo Liverpool ayaa u muhiimsan kulamada maanta dhacaya kuwaas oo kooxo kale la ciyaaraya.
4:00 galabnimo Liverpool ayaa la ciyaareysa xulka Thailand All Stars oo ah xiddigo dalka laga soo xulay.
7:00 caawa AC Milan ayaa la ciyaareysa kooxda Legnano ?.
Ciyaaraha kale
9:00 habeenimo Schalke 04 ? – ? Udinese
4:00 galabnimo Athletic Bilbao ? – ? Greuther Fuerth
Cristiano Ronaldo , Gareth Bale iyo xiddigaha kale ee Real Madrid ayaa maanta oo Tallaado ah waxaa ay tababar ku bilaaween dalka Australia oo ay ku sugan yihiin haatan.
Real Madrid ayaa sanadkii hore baxday koob la’aan waxaana kooxda ay yeelatay tababare cusub.
Rafa Benitez’ kooxdiisa ayaa Roma la ciyaareysa sabtida halka lix maalin kadib ay Man City wajaheyso waxaana kadib ay u duuleysaa China.
Real Madrid ayaa ciyaaraheeda saaxibtinimo ku soo qatimeysa kooxaha Taliyaaniga ee AC Milan iyo Inter Milan.
.
Tababaraha kooxda Arsenal Arsene Wenger ayaa xaqiijiyay Alexis Sanchez inuu seegayo kulanka Community Shield ay la ciyaarayaan Chelsea iyo kulanka furitaanka horyaalka Premier league ay wajahayaan kooxda West Ham.
Ma doonayo Wenger inuu kula soo dag dago garoomada Sanchez.
Sanchez ayaa dalxiis ku maqan haatan kadib markii dalkiisa uu u dhaliyay rigooradii ay ku qaadeen Coppa America markii ugu horeysay taariiqda.
Warar ayaa sheegayay Sanchez inuu labada kulanba uu ciyaari doono laakiin Wenger ayaa taas meesha ka saaray.
“waxaa uu inoo soo laaban doonaa seddexda August,ugu badnaan waa uu seegayaa kulanka koowaad ee horyaalka ayuu ku daray Wenger hadalkiisa.
La’aanta Sanchez Community Shield Qatar ayuu ku jiraa Arsenal iney ka qaado Chelsea.
Chelsea iyo Arsenal ayaa ciyaaraya koobkan labada August.
Isku Aadka horyaalka La Liga ee xili ciyaareedkan soo socda 2015-16 ayaa maanta daboolka laga qaaday.
Kulamada ugu horeeya horyaalka La Liga ayaa loo ciyaari doonaa sidan.
Athletic-Barcelona
Sporting de Gijón-Real Madrid
Atlético de Madrid-Las Palmas
Levante-Celta de Vigo
Málaga-Sevilla
Rayo Vallecano-Valencia
Espanyol-Getafe
Deportivo-Real Sociedad
Granada-Eibar
Real Betis-Villarreal
Dhinaca kale waxaa la shaaciyay xiliyada ay dhacayaan Clásico iyo Derby Madrid
Kulanka ugu horeeya Clásico ee Real Madrid iyo Barcelona ayaa ka dhacaya Santiago Bernabéu 8-da bisha November halka lugta labaad lagu ciyaari doono Cam Nou 3-da bisha April.
Kulanka Derby Madrid ee u dhaxeeya Real Madrid iyo Atletico Madrid ayaa lagu ciyaari doonaa Vicente Calderón 4-ta bisha October halka lugta labaad lagu ciyaarayo Bernabéu February 28.
Barcelona iyo Atletico Madrid ayaa is wajahaya iyagana 13-ka September taas oo ka dhigan Arda Turan inuusan ka hor imaaneynin kooxdiisii hore laakiin kulanka labaad ee ka dhacaga Cam Nou 31 January ayuu ka hor imaan doonaa.
Manchester City ayaa dhamaystirtay saxiixa Raheem Sterling oo £49 milyan ay kaga soo qaadatay kooxda Liverpool waxaana gacanta loo galiyey funaanada lambarka 7-aad uu aad u jecel yahay.
Raheem Sterling ayaa todobaadkii qaadan doona £180,000, Tababare Manuel Pellegrini ayaa saxiixan u noqonaya midka ugu wanaagsan uu sameeyo waxaana uu sheegay inuu yahay weeraryhanka caalamka kan ugu fiican.
Raheem Sterling ayaa maanta maray tijaabada caafimaad wuuna ku guuleystay ugu danbeyntiina City ayaa bandhigeeda lacagtii £49milyan ayay Liverpool aqbashay.
Heshiiska wuxuu dhigayaa in £45 Milyan hada gacanta loo galiyo kooxda Liverpool iyadoo gadaal laga siin doono £4 milyan. Kooxda QPR aya waxay ku yeelan doontaa £9 milyan mar hadii Sterling uu ahaa meesha laga soo qaatay.
Ciyaaryahankan Raheem oo xulkiisa qaranka ugu ciyaara funaanada lambarka 7-aad isla markaana uu ka tagay James Milner oo isna u wareegay Liverpool ayuu Raheem dhabarka u dhigtay inuu funaanadaasi taariikh ku reebi doono.
Sterling ayaa todobaadkaan gudihisa ku biiri doona kooxda Manchester City, iyadoo taageereyaasha Liverpool ay aad ugu caraysan yihiin ciyaaryahankan maadaama uu si xushmad daro ah ugu soo tagay kooxda uu magaca ku yeeshay.
SAXIIXA UGU SAREEYEY EE PREMIER LEAGUE-HA
1. Angel di Maria (Man United) £60m
2. Fernando Torres (Chelsea) £50m
3. RAHEEM STERLING (Man City) £49m
4. Mesut Ozil (Arsenal) £42.5m
5. Sergio Aguero (Man City) £38m
6. Juan Mata (Man United) £37m
7. Andy Carroll (Liverpool) £35m
8. Alexis Sanchez (Arsenal) £35m
9. Fernandino (Man City) £34m
10. Robinho (Man City) £32.5m
SAXIIXA UGU SAREEYEY CAALAMKA
1. Gareth Bale (Real Madrid) £85.3m
2. Cristiano Ronaldo (Real Madrid) £80m
3. Luis Suarez (Barcelona) £75m
4. Neymar (Barcelona) £75m
5. James Rodriguez (Real Madrid) £63m
6. Angel di Maria (Man United) £59.7m
7. Zlatan Ibrahimovic (Barcelona) £59m
8. Kaka (Real Madrid) £56m
9. Edinson Cavani (PSG) £55m
10. Radamel Falcao (Monaco) £51m
Aqriste ku soo dhawaada mowduuceena falanqeynta Maxamed Siidi oo aynu kusoo qaadanayno kooxaha Paris Saint Germain oo doonaysa ineey soo xero gashato wiilka dheereeya ee Angel Di Maria halka Manchester United ay gaadmo ugu jirto Edison Cavani.
Waxaan indhaha soo marsiiyey qaar ka mid ah jaraa’idyada kasoo baxa England iyo Faransiiska, waxaana soo uruuriyey qaar ka mid wararka ay ka qoreen labadaani koox oo doonaya ineey mid waliba hesho ciyaaryahanada aan kor kusoo xusnay.
Jorge Mendes oo ah wakiilka Angel Di Maria ayaa maanta ka degay magaalada Paris oo xarun u ah kooxda PSG wuxuuna la macaamiloon doonaa kooxdaasi si uu xaga mushaarka ugula hadlo kooxda PSG.
Dhanka kale kooxda Manchester United ayaa wafdi balaaran u dirtay magaaladaasi Paris oo xarun u ah kooxda PSG oo ay ka doonayso Cavani.
Wakiilka Di Maria ee Mendes ayaa ka degay garoonka Charles de Gaulle Airport waxaana si aan qarsoodi lahayn uu kulamo ula leeyahay kooxda Paris Saint Germain, warkaani ayaanan ahayn mid qarsoodi ah.
Kooxda Manchester United dhankeeda wax qarsoon ma wadato oo waxay si nabad iyo heshiis ku jiro ay u doonaysaa ineey Di Maria ku badalato weerar yahan Edinson Cavani.
Paris Saint Germain waxaa horyaala qodob ah hadii ay doonayaan Angel Di Maria ineey ogolaato Edinson Cavani waayo labada kooxba baahiyo weyn ayay u qabaan ciyaaryahan waliba oo ay doonayaan.
Tusaale kooxda Paris Saint Germain waxay heysataa weerar ahaan ciyaaryahan Zlatan Ibrahimovic, waxayna doonaysaa ineey garbaha ka weerar gasho, halka kooxda Manchester United ay ka tageen Falcao iyo Van Persie waxayna ku qasban yihiin ineey helaan weeraryahan halis ah.
Jaraa’id kale ayaa qaba in PSG ay qarka usaaran tahay ineey lasaxiixato Angel Di Maria aduun dhan £43 milyan iyadoo mushaar ahaan ubalanqaaday inuu todobaadkii qaato £200,000.
Kooxda PSG iyo United ayaa ciyaar saaxiibtnimo ku balansan bishan 29-keeda magaalada Chicago ka hor ayaa la filayaa in lasoo afjaro kala wareegitaanka Di Maria iyo Cavani.
United waxay Di Maria kusoo iiibsatay £59.7million waa ayna adag tahay in qiimo aad u yar ay ka siiso PSG hadii aan laga iibinayn weeraryahankooda ee Edinson Cavani.
Tababare Louis van Gaal ayaa doonistiisa ugu horeeya ka dhigaya ciyaaryahan Cavani wuxuuna wafdi u diray ciyaaryahankan, qoraa sare oo lagu magacaabo Jamie Jackson ayaa qaba in bixitaanka Van Persie lagu badalanayo Edinson Cavani.
Isku soo wada duub labada kooxood ayaa diyaar u ah ineey isku badashaan labadaan ciyaaryahan taasoo keeni karta is faham guud oo labada dhinac ah ee ku yimaada Di Maria oo aan ku qanacsanayn kooxdiisa Man United iyo Cavani oo xiiso u qaba inuu ku biiro Manchester United.
Rajadii ay ka lahayd kooxda Arsenal ciyaaryahanka qadka dhexe ee kooxda Sporting Lisbon William Carvalho ayaa burburay ka gadaal markii ay diyaarsatay £25 milyan ay ku iibsan lahayd ay ku qasban tahay ineey dib ula laabato.
William Carvalho ayaa garoomada ka maqnaan doono muddo sedex bilood ama toban todobaad ah isagoo dhaawac halis ah uusoo gaaray taasoo Wenger ku kalifaysa inuu ka raadsado ciyaaryahan kale oo u qalma isaga.
Arsenal ayaa dib ula laabanaysa £25milyan mar hadii 23 jirkaan uu dhaawac soo gaaray waxayna ku qasbanaan doonaan ineey suuqa ka raadsadaan xidigo kale oo qadka dhexe ka ciyaara isla markaana ah burburiye.
Carvalho ayaa lala xiriirinayey inuu u dhaqaaqi doono kooxda Arsenal ka gadaal markii uu noqday ciyaaryahanka ugu fiican koobkii dhalinyarada 21-jirada ee lagu qabtay Czech Republic.
Manchester United ayaa lafteeda baadigoob ugu jirtay ciyaaryahankan balse u weecatay labada ciyaaryahan ee Schneiderlin iyo Bastian Schweinsteiger. Arsenal iyo Man United ayaa wafuud u diray kulamadii lagu ciyaarayey Czech Rebuplic si ay usoo xulaan da’yar u qalma kooxahooda isla markaana ay usoo indha indheeyaan Carvalho oo usafanayey xulka Portugal.
Kooxda Sporting Lisbon ayaa website-kooda kusoo bandhigay in ciyaaryahankooda Carvalho uu garomada ka maqnaan doono 10 ilaa 12 todobaad, iyadoo Carvalho laftiisa uu sheegay inuu ku dhawaa inuu katagi lahaa kooxdiisa balse ay nasiib daro ku dhacday.
Ramadaan kariim dhamaan ummada muslimiinta meel walboo aad dunida ka joogtaan waan ku faraxsanahay inaad aqridaan maqaalkaan aan idiinkaga soo uruurinay wargeysyada ku mashquulsan arrimaha suuqa kala iibsiga ciyaartooyda.
Aan ugu horeyno:
***Kooxda Liverpool ayaa wali xusul duub ugu jirta sideey Christian Benteke ugu qancin lahayd inuu usoo dhaqaaqo kooxdooda, waxaase ku dhagan Aston Villa oo doonaysa ineey ku hesho aduun dhan £32 million taasoo ay Liverpool ka dhaga adeegayso .
Liverpool oo lacago badan ku heshay Raheem Sterling ayaa rajaynaysa ineey kaga guuleysatay cadowgeeda Manchester United oo lafteeda doonaysa ineey ku badalato van Persie oo kooxda isaga tagay. Waxaa sidaasi qortay: Daily Mirror.
***Kooxda Manchester United ayaa doonaysa ineey dhinto beeca Angel Di Maria ee ugu fadhiyey £59.7 milyan, maadama uu la qabsan waayey horyaalka Premier Leageu-ha oo ku dhisan qaab xoog iyo boob ah.
Paris St-Germain ayaa diyaar la ah £42.8 million si ay ugu hesho 27-jirka dhaawaca wareeriyey iyadoo waliba Argentineeskaan uu ka niyad jabay nolosha dalka England iyo magaalada Manchester. Sidaasi waxaa qortay Le Parisien via Star.
***Arsenal ayaa dalab rasmi ah u dirtay kooxda Napoli si ay ugula soo wareegto Faouzi Ghoulam oo difaaca bidix ka ciyaara.
Arsenal ayaa u gudbisay Napoli dalab dhan £10milyan si ay ula soo wareegaan 24-jirkaan dadabka bidix ee difaaca ka ciyaara wuxuuna tababare Wenger doonayaa inuu la tartansiiyo Kieran Gibbs iyo Nacho Monreal sidaasi waxaa qortay Mediaset via Talksport.
***Kooxda Chelsea ayaa diyaar la ah ineey lasoo saxiixato ciyaaryahanka garabka weerarka ugu ciyaara kooxda Barcelona Pedro taasoo ay doonayso ineey ku garaacdo kooxaha Arsenal iyo Liverpool oo xusul duub ugu jira.
Pedro oo lagu heli karo £21.4 million ayay Chelsea diyaar la tahay, wararka ka imaanaya magaalada Spain-na waxay sheegayaan in Luis Enrique uusan celin doonin ciyaaryahankan hadii uu doonayo inuu isaga tago sidaasi waxaa qortay: Irish Times.
***Manchester United ayaa ku deg degaysa sidii ay dhaqso ula soo wareegi lahayd difaaca kooxda Valencia Nicolas Otamendi.
Nicolas Otamendi laftiisa ayaa laga hayaa inuu doonayo inuu u dhaqaaqo kooxda Manchester United oo si waali ah u doonaysa ciyaaryahankan. Sidaasi waxaa qoraty The Sun.
***Manchester ayaynu wali ku jirnaaye warar nux nux hoose ayaa qoraysa in goolhayaha xulka qaranka Argentina Sergio Romero uu kusoo fool leeyahay kooxdaani.
28-jirkaan ayaa lagu heli karaa beeca xorta ah isagoo ka soo dhaqaaqi doona kooxda Sampdoria waxaa sidaasi qortay Sky Sports Italia.
Christian Benteke oo sanadkan bartilmaameed weyn u ah Man United oo uu ka tagay Van Persie ayaa laga yaabaa ineysan helin.
Tababaraha Aston Villa Tim Sherwood ayaa sheegay inuu ku kalsoon yahay weeraryahankiisa inuu sii heysan doono xagaagan kana mid yahay qorshihiisa sanadkan.
Tim Sherwood ayaa beeniyay xiddiga inuu ku biirayo kooxda Liverpool oo booskii Suarez u raadineysa.’
13 gool ayuu dhaliyay Christian Benteke 31 kulan uu xagaagii hore u saftay Premier league kooxdiisa.
24 jirkan ayaa si gaar ah u xiiseynaya inuu ka ciyaaro tartanka Yurub.
Chelsea ayaa ku dhawaaneysa iney la soo wareegto xiddiga Barcelona ee Pedro.
Blues ayaa rajeyneysa toddobaadka dambe iney si rasmi u xaqiijiso la soo wareegida ciyaaryahanka Spain.
Wararka Spain ka soo baxaya ayaa sheegaya Chelsea iney ku dooneyso Pedro £22milyan.
Pedro ayaa ku dhibtooday inuu boos ka helo weerarka Barcelona oo ay xureysteen Messi, Neymar iyo Luis Suarez.
Chelsea ayaa horay ula soo wareegtay labo ciyaaryahan oo kala ah Radamel Falcao iyo keeper Asmir Begovic.
Tababaraha Man City Manuel Pellegrini ayaa soo dhaweeyay saxiixa cusub ee kooxda Raheem Sterling kaas oo ay ka soo iibsadeen kooxda Liveepool.
20 jirkan ayaa £49milyan ugu soo wareegay kooxda Sheikh Mansour oo dooneysa in awoodeeda laga dareemo xagaagan Premier league iyo koobka Yurub.
Manuel Pellegrini ayaa sheegay Raheem Sterling inuu yahay mid kamid ah weerarka ugu fiican Adduunka.
Manuel Pellegrini ayaa u amaanay xiddigan inuu leeyahay xirfad ,awood iyo da’yaraan waxaan hubaa ayuu yiri Man City iney ku farxi doonto.
129 kulan ayuu Liverpool u saftay waxaana uu u dhaliyay 23 gool.
Daafaca da’da yar kooxda Chelsea Kurt Zouma ayaa soo dhaweeyay xiddigaha cusub ee kooxdiisa ay la soo wareegtay sanadkan ee Asmir Begovic iyo ‘Radamel Falcao.
Labadan ciyaaryahan ayaa Blues oo difaacaneysa horyaalka England waxaa ay uga kala soo biireen kooxaha Stoke iyo Monaco.
“’Radamel Falcao runtii waa goolhaye fiican sida Petr Cech, iyo Thibaut Courtois,sidaa daradeed Chelsea waxaa ay heysataa goolhayayaal fiican.
“Falcao waxaan la ciyaaray oo aan ka hor imid labo jeer,runtii waa gool dhaliye wanaagsan,waxaa uu jaceyl yahay inuu goolasha dhaliyo,bartilmaameedkiisa kaliya waa inuu dhaliyaa goolal ayuu u sheegay xiddiga France Express.
Chelsea ayaa Premier league sanadkii hore ku qaaday 87 dhibcood 38 kulan.
Si aan caadi aheyn ayey taageerayaasha Turkiga u soo dhaweeyay weeraryahankii hore kooxaha Arsenal iyo Manchester United Robin van Persie.
Maalintii Tallaadada Fenerbahc ayaa garoonka ugu soo bandhigtay xiddiga taageerayaashooda oo siweyn ugu soo qeybgalay bandhiga.
Ciyaaryahanka Holland ayaa seddexsano heshiis la fahansan yahay inuu u saxiixay kooxdiisa Cusub.
Van Persie ayaa ka soo tagay Man United seddexsano uu la joogay waxaana uu la qaaday horyaalka Premier league iyo gool dhalintiisa.
Bastian Schweinsteiger ayaa ku faanaya inuu noqday ciyaaryahankii ugu horeeyay Germany oo ku biira kooxda Manchester United ee dalka Ingiriiska waxaana uu aaminsan yahay in shaqo wanaagsan u qaban doono xagaagan.
Ciyaaryahanka ku guuleystay koobka Adduunka 2014 ayaa £15million ugu soo wareegay kooxda England maalintii Sabtidii.
Isagoo la hadlayay MUTV waxaa uu yiri”Aad ayaan ugu faraxsanahay,waan kula kaftamay sheekadan Wayne Rooney laakiin waa farxad weyn inaan noqdo xiddigii ugu horeeyay Germany ee halkan kooxda koowaad uga ciyaara,waa dareen weyn.
Bastian Schweinsteiger ayaa 17 sano Bayern Munich ugu ciyaarayay horyaalka Germany ee Bundeslig.
Afarta Musharax ee isugu soo hartay doorashada Madaxweyne Barcelona ayaa balan qaaday Arda Turan inuu ka sii mid ahaan doono Barcelona madaxweyne kasta oo yimaada sanadkan.
€40 million ayuu xiddiga ugu soo wareegay Barcelona kahor doorashada Madaxweyne laakiin heshiiska ayaa la kansali karaa hadii uusan rabin Madaxweynaha cusub ee doorashada ku guuleysta.
Musharaxiinta afarta ah ee Josep Bartomeu, Joan Laporta, Toni Freixa iyo Agusti Benedito ayaa awood u leh iney kansalaan heshiiska Turan uu Barcelona ugu wareegayo hadii midkood uu xulka ku guuleysto taas oo walaac ku beertay taageerayaasha Barcelona oo aan rabin in Turan la fasaxo.
Laakiin haatan afarta musharax ayaa isku raacay in kii guuleysta inuu kooxda u iibiyo Arda Turan una ogolaado inuu sii joogo Cam Nou.
