John Terry ayaa soo bandhigay sawirka koobabka iyo biladaha uu ku guuleystay intii uu ka tirsanaa kooxda Chelsea.
Blues ayaa isku diyaarineysa xili ciyaareed kale oo guul ah kadib markii sanadkii hore ay hantiyeen Premier league.
John Terry ayaa ku guuleystay 14 koob waayihiisa kooxda Chelsea.
Bartiisa Instagram-ka ayuu ku soo daabacay sawirka koobabka uu miilkiyay.
Koobabka uu la qaaday Chelsea
Premier League: 4
FA Cup: 5
League Cup: 3
Champions League: 1
Europa League: 1
Kooxda Manchester United ayaa la sheegay iney noqotay kooxda xagaagii hore Premier league ee siweyn looga daawaday kulamadeeda dalka Mareykanka,sida ay qortay Metro.
Dalka Mareykanka siweyn loogama xiiseeyo daawashada ciyaaraha kubada cagta.
Liverpool ayaa noqotay kooxda labaad waxaana kaalinta seddexaad iskeentay Chelsea oo horyaalka ku guuleysatay.
Swansea ayaa ka soo hormartay Arsena oo gashay booska shanaad halka City lixaad ay xeratay.
Most-watched Premier League clubs in USA (2014/15) 1. Manchester United 2. Liverpool 3. Chelsea 4. SWANSEA 5. Arsenal 6. Manchester City
— Jake Cohen (@JakeFCohen) July 2, 2015
Macalinka Cusub AC Milan Sinisa Mihajlovic ayaa shirkiisa jaraa’id ku sheegay maanta inuu doonayo in Milantiisa ay noqoto koox ay ka cabsadaan kooxaha kale marka ay garoonka kula jiraan.
AC Milana ayaa u muuqata mid hurdada ka soo toostay waxaana ay la soo wareegeen weeraryahanada kala ah Carlos Bacca oo Sevilla ugu yimid iyo Luiz Adriano oo ay kala soo wareegeen Shakhtar.
“waxaan doonayaa kooxdeyda iney ka cabsadaan koox waliba oo ka horyimaada, Sinisa Mihajlovic ayaa yiri.
Silvio Berlusconi ayaa ku kalsoon Mihajlovic inuu Milan la tartansiin karo Juventus kadib markii Sampdoria uu la guuleystay xagaagii hore.
Xiddiga Manchester United Javier Hernandez ayaa lagu wadaa inuu garoomada ka maqnaado afarta isbuuc ee soo aadan kadib markii qaliin looga sameeyay.
Xiriirka kubada cagta Mexico ayaa xaqiijiyay warkan.
Hernandez ayaa cisbitaalka loo qaaday qeybta hore ciyaartii dalkiisa uu la ciyaarayay Hunduras markaas oo ay isku dhaceen daafaca dalkaas Brayan Beckeles.
Hernandez ayaa doonayay inuu ku laabto tababarka Man united kadibna uu mustaqbalkiisa kala hadlo tababare Louis van Gaal oo dhawaan wiilashiisa u kaxeynaya USA halkaas oo ay ku ciyaarayaan.
27 jirkan ayaa 40 gool u dhaliyay Mexico 74 kulan uu u saftay taas oo ka dhigeysa inuu yahay ninka labaad ee ugu goolasha badan taariiqda dalkiisa kaliya waxaa ka horeeya Jared Borgetti oo dhaliyay 46 gool.
Manchester City ayaa qarka u saaran iney la soo wareegto xiddiga qadka dhexe Aston Villa ee Fabian Delph kaas oo noqonaya saxiixii ugu horeeyay ee City,sidaas waxaa xaqiijisay Goal.com.
Delph ayaa la fahansan yahay Man City inuu ugu soo wareegayo £8 million waxaana isbuucii la siinayaa mushaar £100,000-kun.
Villa ay badalkiisa horay waxaa ugu doonatay 25 jir-ka Senegal Idrissa Gueye.
Man City ayaa wali sugeysa saxiixyo kale sida Raheem Sterling ,Paul Pogba iyo kuwa kale.
Liverpool ayaa xaqiijisay iney la soo wareegtay da’yarka Barcelona Bobby Adekanye oo 16 jir ah.
Ciyaaryahanka ayaa bartiisa Instagram-ka waxaa uu ku cadeeyay inuu Liverpool ku biiray.
Adekanye oo amaah ugu ciyaarayay PSV ayaa kamid ahaa shan xiddig oo Barcelona laga ganaaxay iney u ciyaaraan kadib markii FIFA ay ku soo eedeysay iney si sharcidaro ay kula soo wareegeen.
Sanadkii 2011 ayuu kaga soo biiray Barcelona kooxda Ajax waxaana uu ka tirsan yahay xulka 16 jirada Holland.
Sergio Ramos ayaa ku sii dhawaanaya Manchester United xili taageerayaasha Real Madrid cod laga qaaday 55% ay sheegeen iney aaminsan yihiin in laga iibinayo xiddiga kooxda England.
Baaritaankan waxaa sameysay majalada AS ee ka soo baxda Spain.
Laakiin 25,000 qof ee laga qaaday cod bixinta ayaa ka soo horjeeda Madaxweyne Florentino Perez go’aanka uu ku dirayo Ramos waxaana ay u sheegeen inuu ka laabto.
Hadii Ramos iyo Iker Casillas ay ka tagaan kooxda xagaagan taas waxaa ay ka dhigeysaa in safka koowaad ee Real Madrid laga waayo xiddig Spain u dhashay.
Rafa Benitez ayaa safkiisa koowaad ka dhigi kara: Danillo, Raphael Varane, Pepe, Marcelo, Toni Kross, Luka Modric, James Rodriguez, Karim Benzema, Gareth Bale iyo Cristiano Ronaldo.
Chelsea ayaa si rasmi ula soo wareegtay xiddiga amaahda ugu ciyaarayay xagaagii hore Manchester United ee Radamel Falcao.
Blues ayaa kula soo wareegtay ciyaaryahanka Monaco xili ciyaareed amaah ah .
Heshiiska Chelsea ay ku qaadatay Radamel Falcao waxaa qeyb ka ah da’yarka Blues Mario Pasalic oo isagana ku biiray kooxda Monaco.
Weeraryahanka Colombia ayaa sugi la’a inuu u ciyaara kooxda Chelsea waxaana Jose Mourinho uu ku badalanayaa Radamel Falcao booska uu faarujiyay Didier Drogba .
Chelsea ayaa barteeda Twitterka ku cadeysay iney heshiis la gaareen xiddiga.
.@ChelseaFC is delighted to announce we have agreed terms with Monaco for the season-long loan of @FALCAO… #CFC pic.twitter.com/wnZcjFGvtw
— Chelsea FC (@ChelseaFC) July 3, 2015
“Aad ayaan ugu faraxsanahay inaan ku biiro Chelsea,ma sugi karo inaan tababarka la bilaawo,ujeedkeena waa inaan difaacanaa horyaalka guulana aan ka keeno Yurub,sidaas waxaa uu Falcao u sheegay websetka kooxdiisa cusub.
Tartanka Coppa America ayaa la soo afjarayaa caawa iyadoo ay isugu soo hareen ciyaarta kama dambeysta dalka marti geliyaha ee Chile iyo Argentina.
Kulanka: Chile ? – ? Argentina
Garoonka: Estadio Nacional Julio Martínez Prádanos, Santiago de Chile
Saacada:11:00 habeenimo
Maalinta:Sabti
Taariiqda: July 4, 2015
Labada Xul ee Chile iyo Argentina oo soo kala reebay Peru iyo Paruguay ayaa heysta saf caafimaad qaba.
Xaqiiqooyinka ciyaarta.
Kani waxaa uu noqonayaa Finalkii ugu horeeyay Coppa America oo ay isaga horyimaadaan dalalka Chile iyo Argentina.
Chile ayaa caawa ciyaareysa Finalka Coppa America markii Afaraad,labo jeer oo kamid ah waxaa ka kala qaaday dalalka Paraguay 1979 iyo Uruguay in 1987.
Chile ma ku guuleysan waligeed Coppa America.
Tan iyo markii magaca Coppa America uu qaatay tartankan 1993-dii Argentine ayey tani u noqoneysaa markii afaraad oo ay gaarto Finalka,1993 waxaa ay garaaceen Mexico laakiin waxaa ay lumiyeen finaladii 2004 iyo 2007 waxaana ka qaaday labadaba Brazil.
Chile kaliya ma dooneyso caawa iney hanato koobkeedii ugu horeeyay Coppa America sidoo kale waxaana ay dooneysaa iney ku guuleysto koobkeedii ugu horeeyay caalami ah oo aysan waligeed ku guuleysan.
Chile ayaa marti gelisay koobka Adduunka iyo Coppa America 7 jeer mana aysan gaarin markan ka hor Semi finalka iyadoo caradeeda lagu tartamayo.
Chile ayaa 13 gool ku dhalisay 5 kulan ay ciyaartay xagaagan Coppa America,waxaana ninka ugu goolasha badan uu yahay Eduardo Vargas oo dhaliyay afar gool.
Chile ayaa ka badisay Argentina kaliya hal jeer 14-kii kulan ugu dambeeyay ay ciyaareen.
Hadii Argentina ay koobkan qaado caawa waxaa ay kula biireysaa Uruguay dalka ugu badan tartankan taas oo qaaday 15 jeer halka La Albiceleste uu qaaday 14 jeer.
Tan iyo 1993-dii Argentina kuma aysan guuleysan Tartan weyn xiligaas ayaana ugu dambeysay Coppa America iney ku guuleystaan.
Koobkii ugu dambeeyay Coppa America ee ay qaado Argentina waxaa ay 2-1 ugu qaaday Mexico.
Galatasaray ayaa xaqiijisay iney wadahadalo kula jirto Arsenal su ay ula wareegaan Lukas Podolski kaas oo la filayo in maanta oo Sabti ah uu tijaabo caafimaad u maro kooxda Turkiga.
Arsene Wenger ayaan baahi u qabin xiddiga Germany oo sanadkii hore amaah uu ku siiyay kooxda Inter Milan.
30 jirkan ayaa diiday inuu kursiga keydka Arsenal ku jiro sidaa daraadeed waxaa uu go’aansaday inuu kooxo kale ku biiro.
Galatasaray ayaa xaqiijisay Lukas Podolski inuu maanta subaxa hore uu Turkiga ka dagayo waxaana uu tijaabada caafimaad ku marayaa Istanbul Liv Hospital.
Xiddigii hore kooxda Parma Jose Mauri ayaa la rajeynayaa imuu tijaabada caafimaad u maro kooxda Inter maalinta Isniinta.
Kooxda Stadio Tardini ku ciyaarta ee Parma ayaa musuliftay sida daraadeed xiddiga ayaa ku baxaya beeca xorta ah.
Sky Sport Italia ayaa sheegeysa Jose Mauri inuu tagayo Casa Milan Isniinta si uu tijaabada u maro.
Kadib waxaa uu qalinka ku duugi doonaa heshiis cusub.
Rio Ferdinand ayaa kula taliyay kooxdiisii hore Manchester United iney gacanta ku soo dhigto ciyaaryahanka qadka dhexe kooxda Southampton Morgan Schneiderlin.
25 jirkan ayaa la rajeynayaa iney la soo wareegto Manchester United xagaagan..
“waa ciyaaryahan wax u qaban kara United,hadii uu ka dhaawacmo Michael] Carrick waa xiddig buuxin kara booskiisa,waxaa ay ila tahay inuu yahay xidig tayo leh ayuu u sheegay Metro Rio Ferdinand.
Schneiderlin waxaa uu heshiiskiisa dhacayaa 2017 waxaana uu xagaagii hore uu ku soo bilowday safka kooxdiisa 26 kulan.
Marcos Rojo ayaa sheegay saaxibkiisa ay isku kooxda yihiin ee Angel di Maria inuu u wanaagsan yahay sida Lionel Messi oo kale marka uu si fiican u ciyaarayo.
Kadib markii 59.7milyan uu ugu wareegay United xagaagii hore ayuu qaab ciyaareed qasaaro lagu tilmaamay uu la soo baxay.
Laakiin Marcos Rojo ayaa ku kalsoon 27 jirkan sanadkan inuu ifin doono horyaalka Premier league.
“dadka waa ay ilaaween Di maria xagaagii hore inuu la qabsan karo horyaalkan cusub,kaliya lacagaha lagula soo wareegay ayey fiiriyeen ee ma aysan is weydiin England iney ka duwan tahay Spain,halkan waa xoog jir ahaaneed.
“waa mid kamid ah xidigaha ugu fiican Adduunka,maalinta uu wacan yahay waxaa uu sameynayaa waxaa ay sameeyeen oo kale Messi iyo Ronaldo,waxaan hubaa xagaaga soo socda inuu wax weyn sameyn doono.
Rojo iyo Di Maria ayaa kamid ah xulka Argentina ee finalka la ciyaaraya caawa Chile.
Xiddiga Juventus Fernando Llorente ayaa bartilmaameed lama filaan ah u noqday kooxda Real Madrid.
30 jirkan ayuu booskiisa xagaaga soo socda shaki weyn uu ku jiraa maadaama Cajuusta ay ku soo biireen weeraryahano cusub sida Mario Mandzukic oo kaga yimid Atletico Madrid iyo Paulo Dybala oo Palermo ah.
Tababaraha cusub Los Blancos Rafael Benitez ayaa aaminsan inuu xiddigan la guuleysan karo sanadka waxaana uu diyaar u yahay inuu ka soo iibsado Juve,sidaas waxaa qortayTuttosport.
Llorente ayaa dhaliyay 7 gool 23 kulan uu u saftay Juventus oo 2013 uu kaga soo biiray Athletic Bilbao.
Andres Iniesta ayaa ku taageeray Barcelona go’aanka ay kula soo wareegeyso xiddigaha kala ah Arda Turan iyo Paul Pogba.
Barce ayaa laga soo diiday isbuucaan dalab €80 million oo ay Pogba kula soo wareegi lahaayeen.
Dhinaca kalana musharaxa madaxweyne Barcelona Josep Maria Bartomeu ayaa sheegay inuu tababaraha kooxda uu codsaday lasoo wareegida xiddiga Turkiga ee Arda Turan.
“Pogba waa ciyaaryahan ay koox waliba oo weyn ay dooneyso iney heysato,waa xidig yar laakiin xirfad badan,“Arda isagana waa ciyaaryahan weyn leh tayo iyo xirfad.
Andres Iniesta ayaa qaba hadii ay ku soo biiraan Barcelona iney faa’ido weyn u tahay kooxdooda.
Xiddigii hore Manchester United Gary Neville ayaa sadaaliyay in Chelsea ay tahay wali kooxda ugu cad cad ee ku guuleysan karta xagaagan soo socda horyaalka Premier league.
Premier league ayaa lagu wadaa inuu furmo bisha soo socota.
Jose Mourinho kooxdiisa ayaa horyaalka qaaday sanadkii hore iyadoo 8 dhibcood ka sareysa kooxda ku soo xigtay ee Manchester City.’
Koobkaas ayaa ahaa kii ugu horeeyay Premier league oo ay hantaan tan iyo sanadkii 2010-kii.
Iyadoo kooxaha waa weyn ay xiddigo la soo wareegeen sida Arsenal oo la wareegtay Petr Cech ,, Manchester United Memphis Depay iyo Liverpool oo lix xiddig la soo wareegtay kana mid yihiin Roberto Firmino iyo Danny Ings ayuu qabaa Gary Neville in Chelsea ay ugu cad cadahay horyaalka baasmaya.
Xiddigii hore kooxda Liverpool Steven Gerrard ayaa gudoomay fanaanada cusub ee kooxdiisa LA Galaxy.
Mudo dheer ayuu xirnaa Fanaanada Liverpool oo uu guulo la gaaray waxaana uu soo afjaray waayaha kooxdaas sanadkii la soo dhaafay.
35 jirkan ayaa loo gacan geliyay lambarka uu ugu jecelyahay ee NO 8.
Kaliya waxaa uu ka shalaynayaa inuu waayihiisa ku guuleysan horyaalka Premier league laakiin koob waliba waa uu la qaaday.
Majalada AS ee ka soo baxda dalka Spain ayaa sheegaya in xiriirka u dhaxeeyay Sergio Ramos iyo madaxwaynaha kooxda Florentino Perez ayaa gaaray meshii ugu xumayd ebid kadib qilaafaadkii u danbeeyay.
Isku dhacan cusub ayaa yimid kadi markii Sergio Ramos uu ku adkeystay inuu ka tagayo Real Madrid isla xagaagan.
Taageerayaasha Real Madrid ayaa kula taliyay Madaxweyne Florentino Perez inuu la macaamilo xiddiga laakiin xiddiga ayuu u sheegay inuu rabo bixid.
Perez ayaa sheegay bilowgii xiliciyaareedkii dhamaaday in Ramos uu u qalmo in loo kordhiyo mushaarka kadib markii uu badbaadiyay Real Madrid daqiiqadihii u danbeeyay ee Finalkii Champions League markaas oo uu u dhaliyay goolkii barbaraha.
Markan waa uu ka laabtay waxaana uu diiday inuu u kordhiyo xiddiga mushaarka sanadlaha uu rabo.
Qilaafkan waxaa uu dan u yahay Man United oo dooneysa Ramos.
Madaxweynaha AC Milan Silvio Berlusconi ayaa sheegay inuu rajo weyn ka leeyahay Zlatan Ibrahimovic inuu dib ugu soo celiyo AC Milan.
Horay waxaa uu madaxweynaha balan ugu qaaday Milan inuu keenayo seddex weeraryahan oo weyn waxaana uu ka dhabeeyay labo kamid ah.
Football Italia ayaa sheegeysa Silvio Berlusconi inuu mushaar qaali ah ku soo jiito Zlatan Ibrahimovic.
“Haa, waxaan doonayaa inaan la soo wareego Zlatan Ibrahimovic, arinku meel fiican ayuu marayaa, dhamaan laacibiinta aduunka waxay doonayaan inay ku soo biiraan AC.Milan”.
Madaxweynaha ayaa u diyaarinaya Ibra oo horay Serie A ula qaaday Milan mushaar 6 milyan .
Kooxda Watford ayaa ku raja weyn in tababaraheeda kooxda 21 jirada ay u magacowdo xiddigii hore Liverpool Harry Kewell.
Garab weerarkii kooxaha Leeds iyo Liverpool ayaa sanadkii hore ka fariistay ciyaaraha kubada cagta waxaana uu dalkiisa Australia uu ka hayay howlaha soosaarida ciyaaryahanada.
36 jirkan ayaa doonaya inuu ku soo laabto Premier league si uu tababare ugu noqdo.
Sidoo kale Liverpool ayaa dooneysa iney u dhiibto Kawel da’yarkeeda.
Shansano ayuu Anfield joogay Kewel waxaana uu qeyb ka ahaa ragii Liverpool u qaaday 2005 Champions league laakiin Watford ayaa ku kalsoon iney kaga hormarayaan Liverpool saxiixa Harry Kewell.
